Þeir sem ekki fundust

Jæja gott fólk!

Það virðast vera einhverjir sem hafa skilið skilaboðin og  fattað að fara á netið.  En það eru nokkrir sem ekki  enn hafa fengið skilaboð þar sem þeir finnast ekki á já.is eða eru með annað heimilisfang en pósturinn gefur upp miðað við kennitölu.  Nú vantar mig hjálp við að finna þá aðila.

Ella finnst ekki á já.is en ég veit að hún er í Úthlíð en er einhver með gsm númer hjá henni sem getur látið hana vita. 

Geirmundur er sagður búa í Hollandi þannig að ég hef ekki leitað meira að honum enn.

Pálmar var ekki með sama heimilisfang og pósturinn sagði og það eru fleiri en einn með sama nafn á já .is þannig að ég vildi ekki senda skilaboðin á alla.

Ásmundur býr fyrir austan en enginn gsm fannst á hanns nafni.

Daníel Sigurðsson var víst með okkur en hann var ekki á kennitölulistanum sem ég fékk sendan og það eru svo margir með því nafni inni á já.is

Ég veit ekki um þá sem ekki hafa enn svarað skilaboðunum hér inn á bloggsíðuna hvort að þeir skilji nokkuð hvaða  bull þeir voru að fá í smsi.  Kannski verð ég bara að hætta að nota nútíma tækni og fara að senda fólki bréf með frímerki með skilaboðunum um þessa síðu.  En kannski eru líka einhverjir afdalabændur sem ekki hafa enn uppgötvað internetið eða eru ekki með internettengingu.  Og það þýðir ekki bara að skoða síðuna það verður að kommenta á einhvern hátt líka.

bless í bili Sveitalubbinn

 

Athugasemdir

[Begga viðhengi (IP-tala skráð) 31.5.2008 kl. 22:06]

Það virðist eitthvað hafa klikkað sms því hvorki Tommi né Steini Newton fengu sms kanski spurning um að senda ítrekun ;)

[steini (IP-tala skráð) 31.5.2008 kl. 22:15]

flott framtak, löngu komin tími á að hittast.

kv,

steini newton

[Kristján Eldjárn Þorgeirsson, 1.6.2008 kl. 11:45]

Sæl öllsömul.  Gaman að það skuli eiga að halda reunion hjá okkar ágæta hóp.  Ég var reyndar farinn að skipuleggja hitting og var búinn að grafa upp öll heimilsföng hjá okkar fólki.  Þetta tókst mér að gera vegna þess að ég átti gamla símaskrá frá því að við vorum á á Hvanneyri,  þar voru nefnilega kennitölur allra í hópnum þannig að auðvelt var að finna alla í þjóðskrá.  Ef með þarf þá get ég látið þennan lista af hendi, bara að hafa samband.  Einnig var ég búinn að hafa samband við þá á Hvanneyri, því mínar hugmyndir voru að hittast þar.  Þeir voru meira en til í að taka á móti okkur þar og gera vel við okkur.

Kveðja af jarðskjálftasvæiðinu við Selfoss!

Kristján Eldjárn

p.s. Ég fékk ekki sent sms um þessa síðu,  frétti af henni í gegn um Palla á Þorvaldseyri, hitti hann fyrir tilviljun í gærkvöldi.

[Sveitalubbinn (IP-tala skráð) 1.6.2008 kl. 13:14]

Jæja gott að vita að ekki fengu allir sms.  Ég fer bara í frímerkjakaup erftir helgina og geri þetta á gamla mátann.

Kristján það er gott að vita að það voru fleiri að spá í hitting, eg nennti ekki lengur að bíða eftir að annar hefði frumkvæðið og fór að vesenast við að koma upp þessari síðu. 

Eins og komið hefur fram þá er ekkert búið að ákveða með stað og tíma og allt samráð um ákvarðanir eru vel þegnar.

[Kristján Eldjárn Þorgeirsson, 1.6.2008 kl. 13:20]

Góður sveitalubbi

[Sigríður Elín Elnudóttir (IP-tala skráð) 4.6.2008 kl. 08:43]

Hæ, síðast þegar ég vissi bjó Pálmar  í Hafnarfirði, hann var með hesthús þar allavega og ég held hann sé enn þar, veit bara ekki hvar.