Gamanið búið

Sæl og blessuð öll sömul! Jæja nú er þessi hittingur búinn.  Það var nú bara tæplega helmingurinn sem lét sjá sig en það var góður hópur  og gaman var að hittast.  Þið sem ekki komuð vonandi  var gaman hjá ykkur við það sem þið voruð að gera því við skemmtum okkur stórvel.

Við vorum á Hvanneyri á D deginum og fylgdumst með dagskránni sem var í boði og skoðuðum gamlar og nýjar dráttarvélar.  Seinnipartinn fengum við smá leiðsögn um gömlu heimavistina þar sem við bjuggum og það má segja að margt hafi breyst á Hvanneyri síðustu árin.  Við héldum síðan til í grunnskólanum þar sem við borðuðum og spjölluðum um landsins gagn og nauðsynjar eins og róbóta, heyverð og annað sem ofarlega er í landbúnaði í dag.  Við enduðum síðan daginn á pöbbnum þar sem við drukkum og sungum.Nú er bara spurning hvenær við eigum að hittast næst. 

Er ekki bara gott að fara að skipuleggja það sem fyrst þannig að sem flestir mæti þegar þar að kemur.  Einhverjar hugmyndir voru um að hittast næst eftir fimm ár en nú er það í ykkar valdi að ákveða það,  verður ekki  bara að skipa nefnd um málið.   Við getum alla vega haldið þessari bloggsíðu eitthvað lengur opinni ef við þurfum að tjá okkur um eitthvað okkar á milli.Kveðja Sveitalubbinn

Athugasemdir

[Dagný Rósa (IP-tala skráð) 12.8.2008 kl. 13:34]

Takk fyrir mig, þetta var gaman. Mæli með öðrum hittingi fyrr en seinna.

Eigum við ekki að halda síðunni opinni lengur, fínn vettvangur fyrir fólk að spjalla.

[Sigríður Elín Elnudóttir (IP-tala skráð) 13.8.2008 kl. 17:38]

Hæ, ég er ferlega svekkt að hafa misst af þessum endurfundum en vonandi þurfa nú ekki að líða 5 ár þar til næst...er ekki bara frábært að plana annan soon eins og Dagný mælir með? Og það er góð hugmynd af hafa síðuna opna fyrir spjall og svona...en hvernig er það, fá þeir sem ekki komust að vita hver Sveitalubbinn er eða hvað??