Uppkast af dagskrá

Sæl og blessuð öll sömul!

Var að spá í hvað við eigum að gera þegar við hittumst.  Nú er vöntun á skipulagi að fara með mann.  Jæja en hvað um það.  Við munum alla vega hittast á Hvanneyri 9. ágúst og það er skyldumæting og engin afsökun fyrir því að mæta ekki nema að þú sért að gifta þig eða að eignast barn þá er þér fyrirgefið það að mæta ekki.  Bæjarhátíðir og annað sprell má bíða fram á næsta ár því að ekki hittumst við nú á hverjum degi.

En hvað eigum við svo að gera af okkur.  Sveitalubbinn nennir ekki að hafa of mikið prógramm í gangi.  Eigum við ekki bara að hittast á Hvanneyri kl. 14:00 og þvælast um staðinn, fara í fjósið, skoða búvélasafnið og ullarselið ofl.  Við verðum líklega með aðstöðu í grunnskólanum þar sem við getum borðað saman og síðan gist.  Ekki spá neitt í matinn, þið fáið gott að borða en þurfið líklega að borga eitthvað fyrir.  Svo er bara að skella sér á Kollubar á Hvanneyri um kvöldið og semmta sér saman.

Kveðja Sveitalubbinn

Athugasemdir

[Berglind (IP-tala skráð) 28.7.2008 kl. 17:33]

Þetta hljómar vel, ég hugsa að við Daði komum.

[Kristján Eldjárn Þorgeirsson, 31.7.2008 kl. 22:57]

Hæhæ!  Mæti örugglega á svæðið.  En mér var að detta í hug að við myndum hafa samband við þá kennara sem kenndu okkur og búa enn á Hvanneyri og bjóða þeim að vera með okkur.  Það gæti verið gaman að hitta þá aftur rifja upp gömul kynni við þá einnig.  Hér er ég að tala um Sverrir Heiðar, Ásdísi Helgu og Eddu Þorvalds svo einhverjir séu nefndir.  Einnig væri gaman að sjá t.d. Magnús B. Jónsson fyrrv. skólastjóra.  Þetta er nú bara hugmynd sem vert er að skoða finnst mér.  En allavega þá hlakka ég til að hitta ykkur öll á nýjan leik, suma hefur maður ekki séð í 10 ár.

Kveðja góð!

[Páll Óðalsbóndi (IP-tala skráð) 6.8.2008 kl. 19:12]

Vil bara minna á að dráttarvéladagurinn er á Hvanneyri þann 9. ágsust kl 11-15:30.

Annars ætla ég að mæta. Sjáumst.

[Kristján Eldjárn Þorgeirsson, 7.8.2008 kl. 11:51]

Sæll sveitalubbi!

Hvernig væri að þú myndir setja upp eitthvað plan um hvar á að gista þarna og hvað maður þar að hafa með sér til þess.  Einnig kostnað við matinn o.þ.h. 

Annars verður þetta bara gaman.

Sjáumst á laugardaginn!

[Binni (IP-tala skráð) 8.8.2008 kl. 16:59]

Við Björgvin mætum örugglega í matinn, og hugsanlega fyrr.

Kv Binni